أبانا الذي في ميريت .. الناشر محمد هاشم في وسط البلد

أهلا بيكم مشاهدينا .. حلقة جديدة من وسط البلد .. وسط البلد النهاردة عن الإبداع .. الصورة المرسومة لمبدعي وسط البلد يمكن تكون إنه واحد قاعد على قهوة ماسك قلم وورقة بيسجل أفكاره بيكتب رواياته أو أشعاره .. أو واحد بورقة وقلم رصاص بيرسم الهامه .. اللي عارفين بقى وسط البلد بجد أول ما يخطر في بالهم بعد ما تقولهم ملتقى المبدعين والأدباء يقولك دار ميريت .. دار ميريت عبارة عن مكان فيه هتلاقي كل المبدعين المشهورين والمغمورين .. بس الحكاية مش دار ميريت بالتحديد .. الحدوتة وما فيها وراها شخص لما تشوفه هتقول عليه ده موظف في الدار أو ناقد أدبي لأنه يستحيل يكون مدير دار نشر يبقى ايده في ايد الموجودين .. ضيفنا النهاردة محمد هاشم مدير دار ميريت للنشر .. واللي ما يعرفش محمد هاشم هو الراجل اللي اتقال عليه إنه بيدعم البلطجية في محمد محمود عشان يهاجموا وزارة الداخلية وقت الأحداث المؤسفة الله لا يعيدها .. اللي ما يعرفش مين محمد هاشم فهو الراجل اللي بيقعد عنده أحمد فؤاد نجم وكتيبة وسط البلد والله يرحمه حلمي سالم وغيرهم من الناس اللي قلمها لسه معلم في عقول الشعب ده

هذا المحتوى من