أون تيوب: منظمات ومبادرات لتأهيل الشباب لسوق العمل

أكتر من 50% من تعداد سكان مصر من الشباب .. منهم 30 % أقَل من 18 سنة. لكن مشاركة الشباب في سوق العمل مش بتعكس النسب دي .. والسبب غالبا بيكون عشان شبابنا غير مؤهلين أو لم يتم إعدادهم لسوق العمل. فـالطالب عندنا سواء كان في مدرسة أو الجامعة .. كل تركيزه بيبقى في المذاكرة وإنه ينجح في المواد اللي بيدرسها .. ودي طبعا حاجة مهمة .. لكنه بيفتقد حاجة أهم .. وهي الخبرة العملية اللي تأهلوا لسوق العمل. وبالتالي لما بيتخرج بيبقى من الصعب جدا إنه يحصل على الوظيفة اللي نفسه فيها. وعلى الجانب الاخر بنلاقي في البلاد الغربية .. إن الدراسة دايما بتكون مرتبطة بالشغل .. حتى لو مش في نفس مجال الدراسه .. لكن على الأقل الطالب في الحالة دي .. بيكتسب خبرة عملية .. وبيبدأ في تأسيس دايرة علاقات .. تسمحله بعد كده إنه يفهم متطلبات سوق العمل أكتر .. ويبقى أسهل له إنه يختار مجاله اللي حابب يشتغل فيه و عشان كده في في البلاد دي .. أهم حاجة مش بس دراستك .. إنما كمان خبرتك العملية.
إنجاز مصر هي منظمة بتهدف إلى تعليم طلبه المدارس والجامعات بداية من سن 12 ل 22 سنة .. ريادة مشاريع الأعمال .. وبتديهم تدريبات عملية على كيفية النجاح في القطاع الخاص .. من خلال سلسلة من البرامج والدورات التدريبية .. لتعليم مهارات العمل المختلفة .. زي الاستعداد للعمل , بناء الشخصية ومهارات اقتصادية و غيره.
من منظمة إنجاز مصر .. هيكون معانا الأستاذة ميراي نشأت .. مديرة البرامج بالمنظمة
هيدينا فكرة كمان علي بدوي الطالب بالجامعة الأمريكية ومدير تسويق واصلين
بعد ماشفنا نماذج لمنظمات ومبادرات لتمكين الشباب وتائهيلهم لسوق العمل …معانا دلوقت على سكايب أحمد حمود .. وهو طالب لسة داخل أولى جامعة .. لكنه بدأ شغل من وقت ماكان في المدرسة.

هذا المحتوى من