قطع إيدك – بنات مصر خط أحمر .. في وسط البلد

مساء الخير عليكم مشاهدينا .. حلقة جديدة من برنامج وسط البلد هنتكلم فيها عن هم من هموم مصر .. أي حد يتقال قدامه إن فلانة اتعرضت للتحرش .. تلاقي رد الفعل التلقائي المستفز من اللي قاعدين بيقولوا: تلاقيها مش محجبة أو لابسة ضيق وكأن الغلط مش من الذئب المتحرش .. والذنب ذنبها لأنها أغرته عشان يتحرش بيها .. للأسف المجتمع بقى يسيب الظالم ويمسك في المظلوم لأنه ببساطة كل اللي بيعتبروا البنت أو الست اللي اتعرضت للتحرش مذنبة وهي السبب أو هي اللي سمحت للمتحرش يتحرش بيها .. مجتمع بقى غريب وعجيب محجبة يتحرشوا بيها مش محجبة برضوا بيتحرشوا بيها لا ومنقبة بيتحرشوا بيها برضه حتى البنات تحت 16 سنة بيتحرشوا بيهم .. ولعلمكم التحرش مش لازم يكون باللمس زي ما الناس متخيلة .. أي حد يعاكس أنثى في الطريق ده متحرش ومجرم .. أي حد يتعرض لسمعة بنت متحرش ومجرم .. أي حد يتكلم بألفاظ خادشة للحياء حتى لو ما مدش ايده متحرش ومجرم .. المتحرش اللي مش لاقي قانون يحاسبه أو مجتمع يقف قصاده هيفضل يتمادى في غلطه لأنه ببساطة مجرم ومفيش حاجة بتردعه .. حلقتنا الليلة عن التحرش ومبادرتين أو حملتين لمنع مظاهر التحرش في الشوارع .. نرحب بضيفتنا مدام دينا فريد منسق حملة بنات مصر خط أحمر والأستاذ نورمان عماد من المشاركين في حملة قطع إيدك

هذا المحتوى من