من جديد: الجدل حول شعبية الرئيس مرسي

من جديد اهلا بحضراتكوا … استطلاعات رأي المواطنين، حولين شعبية الرئيس ومدى رضا المواطنين عنه، دا اسلوب جديد شوية على المصريين .. لكنة في الحقيقة ، ألية متبعة في كتير من الدول المتقدمة، لأنه بيكون وسيلة بيعرف من خلالها صانع القرار ايه هي احتياجات ومتطلبات الشعب وايضا مدى رضائهم عن سياساته ..
زي ما قولت لحضراتكوا ، استطلاعات الرأي في الدول المتقدمة غالبا نتائجها بتكون معبرة عن الواقع، وبتعكس رأيهم بشكل حقيقي في القضية محل الاستطلاع، لكن عندنا في مصر الموضوع ممكن يكون مختلفة شوية لاننا بصراحة، مش متأكدين هل الاستطلاعات دي بتعكس فعلا توجه الرأي العام، ولا هي مجرد اداة لتوجيهه في اتجاه معين ولصالح شخص معين وسياسات معينة … دا طبعا غير تساؤلات كتير عن طريقة اجراء الاستطلاع ونوعية العينة، وهل هي ممثلة فعلا لكل الاتجاهات والمناطق الجغرافية ولا بيتم اختيارها عشوائيا ؟….
اخر استطلاع رأي تم الاعلان عنه، هو استطلاع صادر عن المركز المصري لبحوث الراي العام، بيقول أن نسبة رضاء المواطنين عن سياسات الرئيس مرسي خلال الـ80 يوم اللى فاتو ، ارتفعت لنسبة 79%، وتفاصيل تانية كتير …
احنا النهاردة هناقش الاستطلاع دا ، وهنعرف ازاي بيتم اجراء استطلاع رأي، وازاي بيتم اخيار العينة، واية ابرز الصعوبات اللى بتواجه القائمين بعمل استطلاعات الرأي ..
بنرحب بضيوفنا الدكتور ماجد عثمان مدير المركز المصرى لبحوث الرأى العام، اللى اصدر الاستطلاع، ووزير الاتصالات الاسبق، والاستاذ محمود نفادي نائب رئيس تحرير جرديدة الجمهورية ورئيس شعبة المحررين البرلمانيين

هذا المحتوى من