من جديد: بطلان مجلس الشعب وحق نواب الوطني

السلام والتحية علي حضراتكوا.. خلال يومين امبارح وانهارده المحكمة الإدارية العليا بتقول وتأكد كلمتها بخصوص البرلمان واللي أكدت فيهم على ببطلان مجلس الشعب.. يعنى مجلس الشعب السابق مش هيرجع تانى أبدا واتقفل خلاص الملف ده، ده حكم أما الحكم التاني فهو بخصوص أعضاء الحزب الوطني المنحل واللي أكدت المحكمة حقهم في خوض فى الانتخابات التشريعية المقبلة ومش لمجرد أنهم أعضاء سابقين بالحزب الوطني أو قيادات سابقة فده مش معناه انهم ما يخوضوش الانتخابات والكل هيكون له حق الترشيح مادام مفيش عليه حكم قضائي فى قضية مخلفة بالشرف.
لكن الإخوان المسلمين وحزب الحرية والعدالة كان ليهم رأي تاني، وتمسكوا باستكمال معركتهم القانونية لعودة مجلس الشعب، إزاى ده؟ مختار العشري رئيس اللجنة القانونية بالحرية والعدالة صرح انهارده وقال إن اللجنة القانونية عندها خطة للرد على الحكم اللى صدر أمبارح من الإدارية العليا، لكن المرة دى قدام المحكمة الدستورية العليا نفسها عشان يلغي حكم امبارح.

هذا المحتوى من