من جديد: مرسي ..٦٠ يوماً في قصر الرئاسة

من جديد اهلا بحضرتكوا .. 60 يوم بالتمام والكمال مرت على تولى الدكتور محمد مرسي رئاسة الجمهورية .. 60 يوم عدت من مدة الـ100 يوم اللى حددها الرئيس في برنامجة الانتخابي ، يعني تقريبا عدى تلتين المدة وباقي التلت .. وفية قوى سياسية كتيرة منتظرة الفترة دي تمر على احر من الجمر علشان تسأل الرئيس وتجهز بقا مليونيتها واعتصامتها ..
ويمكن زي ما حضرتكوا ماتبعين الدكتور مرسي حدد 5 قضايا كبرى واعطاها الاولوية في المائة يوم الاولى وهي ، الخبز، والوقود، والأمن، والمرور، والنظافة.. الخمس قضايا دول ، تعهد رئيس الجمهورية،بالتصدى لها وحلها فى أول مائة يوم لدخوله قصر الرئاسة، وطبعا هى قضايا وثيقة الصلة بحياة المواطن البسيط ، واللى بتنغص عليه معيشته، وتعكر عليه صفو نهاره وليله، مش كدا وبس دا ممكن يكون ضحية لقضية منهم زي ضحية السولار اوالخبر ..
احنا النهاردة هنحاول نستعرض مع ضيوفنا اللي مشرفنا في الاستديو اية ابرز المفات والقضايا اللى انجزها الرئيس في المدة دي واية اللى لسة مانجزوش .. وهل الدكتور مرسي بالفعل هيقدر يحل القضايا الخمس اللى حدهم في ال40 يوم اللى باقين .. وهو صحيح المائة يوم دول هيتحسبوا من لحظة تولية الرئاسة زي ما بتقول القوى السياسية، ولا من لحظة تشكيل الحكومة زي ما بيقول الاخوان وحزبها السياسي .. ولا اية يالضبط .. كل دي تساؤلات هنحاول نجواب عليها النهاردة ..
بنرحب بضيوفنا الدكتور احمد عبد ربه استاذ العلوم السياسية جامعة القاهرة .. والنائب زكريا الجنايني عضو مجلس الشوري والقيادي بالحرية والعدالة .. اهلا بيكم في من جديد

هذا المحتوى من