وسط البلد: أحداث رفح .. المسئولية وردود الفعل

أهلا بيكم مشاهدينا .. حلقة جديدة من برنامج وسط البلد لكنها حزينة للغاية .. حزينة على 16 وردة من خيرة شباب وجنود مصر استشهدوا النهاردة في هجوم غادر .. ضابط و15 جندي راحوا فداء لخدمة الوطن .. قتلهم مجموعة من المجرمين مهما كانت هويتهم .. مجموعة من القتلة اقتحموا نقطة تفتيش على الحدود المصرية في رفح .. دم الجنود دول مش هيروح هدر .. دم الجنود دول في رقبتك يا دكتور مرسي .. حتى الان مفيش بيان رسمي ولا تصريح ممكن يشفي غليل الناس عن الحادث الدموي ده .. 16 شاب زي الورد انتهت حياتهم برصاص الغدر والخسة .. مفيش حد عارف حتى الآن هوية اللي قتل شبابنا الطاهر ده لكن المؤكد إن القوات المصرية على الحدود مش هتسكت والملثمين المجهولين دول هيتعرفوا ويتمسكوا عاجلا أو آجلا .. لأنهم قتلوا جنود من خير جنود الأرض.. بنبدأ هذه الحلقة بتقديم العزاء لأسر هؤلاء الأبطال والحديث بمزيد من التحليل عما حدث بصحبة الكاتب الصحفي الأستاذ محمد علي خير .. وهيكون لينا متابعات من رفح وعدد من الخبراء العسكريين ..

هذا المحتوى من