ONTube: الإنجازات البحثية في جامعة النيل
جامعة النيل .. هي جامعة بحثية غير هادفة للربح .. بدأت فكرتها سنة 2003 .. كجزء من الخطة القومية لوزارة الاتصالات .. لإنشاء جامعة تكنولوجيه بحثية في مجال الاتصالات. وبعدين مؤخرا .. كلنا سمعنا عن أزمة هذه الجامعة .. و إن مقرها بقي متنازع عليه بينها و بين مدينة زويل. وزي ماكلنا شفنا و تابعنا .. الطلبة متمسكين بحقهم في جامعتهم.. وشفنا إزاي إنهم مصرين على إستكمال دراستهم .. حتى إنهم ابتدوا الدراسة داخل خيام اعتصامهم أمام الجامعة. وعلي قد ماهي حاجة توجع القلب .. إلا إنه يمكن كان لازم حاجة زي دي تحصل عشان نهتم أكتر بالجامعة دي .. ونكتشف كم الابحاث المبهرة اللي طلعت منها على ايدين شباب مصري على أرض مصرية.
النهارده مش هنتكلم عن مين اللي لي الحق في الأرض .. ولا عن ليه عشان ابني مدينة بحثية جديدة .. يكون ده على انقاض جامعة تانية. إنما هنفرح ونفتخر بشبابنا اللي بيشتغل على ابحاث وعلى اختراعات .. بعضها تم تنفيذه بالفعل.
هيكون معانا حالا كل من :
شادي علاء .. اتخرج من قسم الهندسة الطبية الحيوية بجامعة القاهرة .. وكان التامن على دفعته بتقدير امتياز مع مرتبة الشرف .
معانا ايضا خالد عبد العزيز .. و هو خريج هندسه الكترونية بجامعة العاشر من رمضان. خالد كان عنده مشروع تخرج .. ومالقاش أي حد أو كيان يساعده في تنفيذه .. إلا جامعة النيل.
معانا أيضا مارك جورج سمير .. خريج كلية هندسة جامعة عين شمس قسم الاتصالات والكترونيات .. وأحد باحثي جامعة النيل .. عشان يكلمنا عن بحثه .
هيكون معانا دلوقتي د/ مصطفى غانم .. نائب رئيس البحث العلمي بجامعة النيل .. عشان يكلمنا أكتر عن البحث العلمي في جامعة النيل .. وإيه الفرق بين أسلوب إدارة البحث العلمي في جامعة النيل عن أي جامعة أخرى .. وإيه اللي بيميزها عن غيرها.
