ONTube: الإضرابات الفئوية وبداية الدراسة

خلال أول يوم في السنة الدراسية الجديدة .. كانت دايما بتسود مواقع التوصل الاجتماعي حالة من النوستالجيا .. فتلاقي الناس اللي اتخرجت بتحكي عن ذكريات الدراسة .. الى جانب حالة من الحماس .. بيعبر عنها اللي داخلين سنة أولى جامعة. لكن النهاردة وكعادة سنة 2012 .. اللي مافيش فيها حاجة زي ماهيه .. الكلام لا فيه نوستالجيا .. ولا فيه حماس … إنما كله عن يوم الاضرابات .. اللي بيشمل أكتر من 8 جامعات في محافظات مصر المختلفة. من القاهرة لطنطا ودمياط وبني سويف وكفر الشيخ و الإسكندرية والمنصورة و حتى الجامعة الأمريكية.
أول إضراب هنتكلم عنه هيكون إضراب طلبة الجامعة الامريكية بالقاهرة .. واللي خلاله قفل الطلبة أبواب الجامعة من صباح اليوم .. نروح نشوف فيديو للإضراب .. ونرجع نتكلم مع أحمد بدران — طالب بالجامعة الأمريكية
غير الجامعة الامريكية .. الانهارده كمان كان في اضراب عام لموظفي العيد من الجامعات المصرية. هيكون معانا على التليفون الأستاذ محمد عبدالمجيد رئيس قطاع المالية بـجامعة السويس .. قل ما نتكلم معاه .. خلونا الأول نشوف فيديو من جامعة السويس .. اللي بعتهلنا محمد كمال.
من جامعة السويس نروح لجامعة االإسكندرية .. اللي أيضًا شهدت النهاردة إضراب العاملين بيها. نشوف فيديو من هناك .. ونرجع نتكلم مع الأستاذ محمود الكردي مدير إدارة الخزن بمستشفى معهد البحوث الطبية بجامعة الاسكندرية .
نروح للقاهرة .. اللي شهدت جامعتها ايضا إضراب للعاملين فيها. هيكون معانا على التليفون الأستاذ محمد محمود المتحدث الاعلامي بـاسم ائتلاف العاملين بالجامعات .. هنتعرف منه على تطورات إضرابهم و سببه .. بعد مانشوف الفيديو التالي .. للي كان حاصل في الجامعة

هذا المحتوى من