ONTube: الإعلام الإجتماعي بعد أحداث 11 سبتمبر

بعد 11 سبتمبر وإعلان أسامة بن لادن ( العربي المسلم ) مسؤليته عن الاحداث .. بدأ الاعلام الغربي .. وخصوصا الامريكي .. يهتم جدا بالعرب والمسلمين .. وفي احيان كتير ربطهم بفكرة الإرهاب. وفي نفس الوقت بدأ كتير من الغربيين في تعلم اللغة العربية .. والقراءة في الدين الاسلامي .. في محاولة منهم لمعرفة وفهم الاخر .. اللي كان على طول موجود، لكن فجأة ابتدى يتحط في صورة العدو. وعلى الجانب الاخر وفي معظم الأحيان اخدنا احنا الجانب الدفاعي على طول الخط .. وبقت جُمل زي تحسين صور ة العرب والمسلمين بتسخدم بمناسبة ومن غير مناسبة .. وإن الاعلام الرسمي الغربي على طول بيرسم صورة نمطية عن العرب .. والعكس بيعملوا الاعلام الرسمي العربي. لكن واحنا في عصر مواقع التواصل الإجتماعي وما سمي بـالاعلام الشعبي .. وبعد مابقي في ملايين المستخدمين من كل جنسية وديانه موجودين قدام بعض .. وبيعبروا عن نفسهم مباشرتا … هل لسة عندنا نفس المشكلة ؟ هل مواقع زي فسيبوك وتوتير خلت تقبل الاخر أسهل. هتكون معانا حالا الدكتورة رشا عبد الله .. أستاذ الاعلام بـالجامعة الأمريكية في القاهرة .. واللي مهتمة بـوسائل الاعلام الاجتماعي بشكل خاص. لكن في الأول هنفتكر مع بعض اللي حصل زي إنهاردة من 11 سنة .. من خلال مشاهدة مقطع بالتصوير البطيء لاصطدام الطائرة الثانية بـالبرج التاني.

هذا المحتوى من