ONTube: المسرح التفاعلي وفن الشارع

لو كنتم من الناس اللي سافرت برة مصر .. أو حتى من المتابعين للفنون المختلفة على الإنترنت .. أكيد عارفين إن في البلاد الغربية .. عادي إنكم تلاقوا واحد قاعد بيعزف في المترو .. أو مجموعة بتعمل عرض غنائي أو راقص في الشارع أو على الرصيف. لكن عندنا في مصر .. قليل إننا نلاقي ده .. ويمكن عمرنا مابنشوفه أصلا .. على الرغم من إن فن الشارع من سنين كتير كان لي مكانه في بلدنا. مين ينسى عروض البيانولا والاراجوز في الشوارع أيام زمان .. ومنظر الناس و هي ملمومة حواليه. ولو ماعاصرتوش الوقت ده .. فأكيد شفتوه في أفلام الأبيض والاسود.
ندا ثابت مخرجه مسرحية شابة .. قررت هي ومجموعة من الفنانين إنهم يرجعوا تاني الموضوع ده .. وبدأوا يعملوا عروض مسرحية تفاعلية مع الناس في شوارع القاهرة واسكندرية. يعني إيه مسرح تفاعلي .. وإزاي الناس بتستقبلهم في الشارع .. هو ده اللي هنتكلم فيه حالا مع ندا ثابت .. ولكن خلونا في الأول نعرض على حضراتكم فيديو مجمع لفعاليات مجموعة “ميت فل” في القاهرة .. و نرجع نبدأ حوارنا.
زي ماشفنا و إتعرفنا على المسرح التفاعلي وعروض الشارع .. فيه برضه تجربة تانية في نفس الإتجاه .. وهي الغناء في الشارع. كريم أبوريدة مغني سكندري .. كان ليه تجربة من كام شهر وهي الغناء في الشارع. هنشوف فيديو لكريم وهو بيغني أغنية “طس وشك” في محطة الرمل بـالاسكندرية ونرجع نرحب بي معانا.

هذا المحتوى من