ONTube: الموسيقى الساخرة .. فرقة Sharmoofers
الاغاني الخفيفة اللي ليها طابع كوميدي مش حاجة جديدة علينا. مين يقدر ينسى اغاني الراحل محمد فوزي, و الفنانة القديره شادية (يطولنا في عمرها و يديها الصحة ) أو الراحلة مها صبري .. اللي كانت أغانيهم بتتميز بخفة الدم والحرفية الشديدة في الإنتاج .. حتى إن كان فيه أفلام الناس بتطلع منها وهي بتغني اغانيهم. إنما في الفترة الاخيرة .. بقي فيه ندرة في إنتاج النوع ده من الاغاني. و لكن زي ما مواقع التواصل الاجتماعي ساعدت على وجود اعلام مختلف قائم على اسهامات المستخدمين .. كمان ادت مساحة للشباب اللي عايز ينتج موسيقى مختلفة .. إنه يقدمها وبأقل امكانيات .. خصوصا بعد مابرامج الصوت على الكمبيوترات الشخصية تطورت بشكل كبير.
معانا النهاردة فرقتين .. مختلفين في نوع الموسيقى اللي بيقدموها .. لكن الاتنين اللي عاملينهم شباب .. إستغل المساحة الموجودة على الإنترنت .. عشان يوصل للجمهور و يشد إنتباهم.
أول فرقة معانا النهارده هي فرقة sharmoofers .. وأعضائها أحمد بهاءالدين ومو العرقان. أحمد و مو هما اللي بيكتبوا ويلحنو ويعزفو ويغنوا اغانيهم .. اللي وصل عدد مشاهدتهم على يوتيوب لأكتر من٦٠ ألف مشاهدة.
أحمد بهاء و مو هيكونوا معانا حالا على سكايب .. ولكن في الأول خاليينا نشوف أغنية من اعمالهم وهي أغنية بعنوان ميكي.
مواضيع أخرى مشابهة
-
من جديد: جمعية تأسيسية موازية .. الجبهة الدستورية
-
من جديد: انتخابات رئاسة حزب الحرية والعدالة
-
ONTube: مسلسل أزمة الوقود
-
ONTube: مرسي ميتر .. مؤشر برنامج الرئيس
