ONTube: حرية إستخدام الإنترنت وتداول المعلومات

الانترنت وحرية تداول المعلومات بقت من المواضيع اللي ناس كتير بتتكلم عنها في معظم البلدان العربية .. فالنشطاء والحقوقيين والمستخدمين شايفين إن ده حق لا نقاش فيه .. وإن لولا وجود الانترنت في الوطن العربي .. وحرصهم على استخدامه .. وتعلم كل ماله علاقة بيه بمجهوداتهم الفردية .. كان فاتنا قطارالتقدم اللي هو أصلا متعطل بقاله سنين و لسه متحركش بالقدر الكافي لحد دلوقتي .. ده غير إن الإنترنت أتاح فرص عمل كتير جدا. وعلى الجانب الاخر في حكومات بقت بتشوف إن لازم يبقى فيه تنظيم ونوع من الرقابة على المحتوى الالكتروني .. لأسباب اخلاقية .. زي ماحصل عندنا في برلمان 2011 مثلا .. اللي طالب البعض فيه بحجب المواقع الإباحية.
امبارح اقر البرلمان الأردني قانون “المطبوعات والنشر المعدل”. وابرز ما ورد في مشروع القانون .. هو انه بيلزم المواقع الالكترونية بالترخيص والتسجيل .. وان يكون لكل موقع الكتروني اخباري رئيس تحرير عضو في نقابة الصحفيين .. وتطبق عليه التشريعات النافذة ذات العلاقة، وإلغاء النواب النص المتعلق بالحجب من القانون المتعلق بالمواقع الالكترونية المرخصة. ونص القانون على تسريع النظر في قضايا المطبوعات والنشر لدى القضاء .. وتخصيص غرفة قضائية للنظر في قضايا المطبوعات. واعتبر القانون ان تعليقات المستخدمين و القراء على الأخبار اللي بتنشر على المواقع الالكترونية .. هي جزء من الخبر الصحفي .. ففي حالة مخالفة أي تعليق للقانون .. يحاسب على ذلك مالك الموقع .. و مديره .. و رئيس تحريره .. و صاحب المقالة.
هيكون معانا حالا على سكايب الأستاذ أشرف الراعي .. الصحفي بجريدة الغد الأردنية .. ومالك موقع عاجل الاخباري الأردني.
هيكون معانا على سكايب .. مجد يوسف مسئولة النشر بمجموعة خرابيش بالأردن ..

هذا المحتوى من